Португалиялик футбол агенти Паулу Барбоза Криштиану Роналдунинг барча даврларнинг энг яхши «Олтин тўп» соҳиби деб топилгани ҳақидаги фикрлари билан ўртоқлашди.
Футболчи 2008 йилда қўлга киритган мукофот тарихдаги энг яхшиси деб эътироф этилди.
Бироқ Барбоза овоз бериш натижалари мунозарали эканини таъкидлади. Унинг фикрича, жараёнда мутахассислар эмас, оддий мухлислар иштирок этгани натижаларнинг холислигига шубҳа уйғотади.
«Роналду, шубҳасиз, 2008 йилда ажойиб мавсум ўтказган. Бироқ бунинг асосида кенг қамровли хулосалар чиқармаган бўлардим.
Овоз бериш натижалари қанчалик холис экани ҳақида савол туғилади», — дея экспертнинг сўзларини келтирмоқда «Советский спорт» нашри.
