«Сампдория» клубидаги кескинлик тобора кучаймоқда. Ўтган тун жамоа спорт директори Йеспер Фредберг ва унинг оиласига нисбатан жиддий таҳдид ва қўрқитиш ҳолати содир этилди.
Даниялик функционернинг уйи олдида ҳақоратомуз ёзув битилган баннер қолдирилган, кириш эшиги қаршисига эса бир уюм гўнг тўкилган.
Ушбу воқеа муносабати билан Лигурия клуби расмий баёнот бериб, содир бўлган ҳолатни кескин қоралади ҳамда зўравонликнинг ҳар қандай кўринишига қарши қатъий позициясини яна бир бор билдирди.
Айни пайтда «Сампдория» Италия футболининг иккинчи дивизиони — Серия Б турнир жадвалида 19-ўринда, яъни сўнгги ўриндан олдинги поғонада бормоқда. Яқинда эса клуб бош мураббийни ҳам алмаштирган эди.
