Лондоннинг «Челси» клуби бош мураббийи Хаби Алонсо Англия Премьер-лигасининг 9-туридан ўрин олган «Манчестер Юнайтед»га қарши учрашув олдидан шогирдларини майдонда ўз характерини намоён этишга ҳамда «Тоттенҳэм» (0:2) ва «Ливерпуль»га қарши (1:1, пенальтилар сериясида 5:6) ўйинлардаги омадсизликлардан сўнг ғалабали йўлга қайтишга чақирди.

«Бу катта ва ниҳоятда муҳим ўйин. Тайёргарлик кўриш учун вақтимиз жуда кам бўлди. Аммо сўнгги уй учрашувимиздан кейин ғалабаларга қайтиш ва ғалаба ҳиссини қайта тиклаш принципиал аҳамиятга эга.

Биз вазият ва ўз ҳиссиётларимизни қатъий назорат қилишимиз, юқори шиддатда ҳаракат қилишимиз ҳамда рақибнинг кучли жиҳатларини нейтраллаштиришимиз керак.

«Манчестер Юнайтед» таркибида ўзаро жуда яхши ҳамкорлик қиладиган ва комбинациялар ташкил этадиган кўплаб футболчилар бор. Биз доимо ҳушёр бўлишимиз, жасорат билан ҳаракат қилишимиз, ўзига хослик ва характерга эга футбол намойиш этишимиз лозим. Бундай ўйинларда биринчи голни уриш ҳам жуда катта аҳамиятга эга бўлади», — дея Алонсо сўзларини келтиради «Челси» расмий сайти.