Россия терма жамоаси устози Фабио Капелло Италия, Испания, Англия ва Россиядаги минталитет ҳақида фикр билдирди.
«Бу давлатларда ишлаш жараёнида кўпгина фарқни кўрдим. Масалан Италияда шаҳарлар умуман бир-бирига ўхшамайди. Испанияда футбол маданияти юқори даражада. Ўйинлар бошланишини сабрсизлик билан кутишади.
ОАВ ҳақида гапирадиган бўлсам, Италияда спорт телеканаллари жуда кўп, Испанияда радио, Англия ва Россияда газета. Айтганча мен крилл алифбосини билмайман ва бу жуда яхши. Испанияда эрталаб машғулот олиб боришни ёқтиришади. Улар жуда кеч овқатланишади ва кеч соат 2ларда ухлашади.
Англияда эса ҳамма жамоа аъзолари ўйиндан кейин пиво ичгани боришади»,- дейди Капелло Британия матбуотига берган интервьюсида.
