Сербиялик теннисчи Новак Жоковиc 2011 йилдаги муваффақиятли мавсумни такрорлаш жуда қийин эканини таъкидлади. Хабарингиз бор, ўша йили Жокович Катта дубулға туркумидаги учта мусобақа: Australian Open, Uimbldon ва US Open'да ғалаба қозонган эди.
«Ўша йилда мавсум жуда омадли келган эди. Мен бутун йил давомида саноқли учрашувларда енгилдим. Ўзимга бўлган ишонч жуда катта эди ва бу муваффақиятни такрорлашимга ишонардим. Ҳар доим ўз олдимга улкан мақсадларни қўяман, лекин доим юқори даражада ўйин кўрсатиш қийин масала.
Надал кортга қайтгача жуда зўр ўйин кўрсатмоқда. У дунёнинг биринчи ракеткаси бўлишга муносиб. Сўзсиз у жорий мавсумни жуда яхши ўтказди»,- дейди теннисчи АТР расмий сайтига берган интервьюсида.
