Тошкент шаҳар биринчилигида иштирок этаётган «Оқ-тепа» ёшлар жамоаси кеча навбатдаги учрашувини ўтказди.

“Истиқлол” меҳмони бўлган “Оқ-тепа-2” йирик ҳисобда имкониятни бой бериб қўйди. Биринчи бўлимдан кейин ҳисоб 2:0 бўлиб турганди. Босимни оширган ёшларимиз битта жавоб тўпини киритишди. Майдон эгалари дарвозасини ишғол қилиш учун яна бир қатор имкониятларга эга бўлишди, бироқ кутилмаганда ёш посбонимиз хатога йўл қўйди. Учинчи гол йигитларнинг кайфиятига таъсир қилди, оқибатда якунда ҳисоб йирик кўриниш олди – 5:1.

Эслатиб ўтамиз, «Оқ-тепа» ёшлари бундан аввал чемпионатнинг кўчирилган учрашувида “Носта”ни қабул қилиб, 5:2 ҳисобида ғалаба қозонганди. “Оқ-тепа-2” навбатдаги учрашувини 12 октябрь куни БЎСМ-16га қарши ўтказади. Мазкур беллашув “Оқ-тепа” стадионида бўлиб ўтади.