Ўзбекистон U-19 ёшлар терма жамоаси саралаш босқичининг сўнгги турида Қатарга ютқазган бўлса-да, гуруҳда 2-ўринни эгаллаб, Осиё чемпионати йўлланмасини қўлга киритди. Бугун мағлубият кичик ҳисобда бўлгани Евстафеев шогирдларининг фойдасига ишлади.
Дастлаб ташланган қуръага кўра, 9та гуруҳда 4 ва 5тадан жамоалар ўрин олишганди. Бироқ Сурия терма жамоаси мусобақада иштирок этишдан бош тортганидан кейин "Е" гуруҳида 3та жамоа қолди. Ўз гуруҳларида иккинчи ўринни олган 6та жамоага ҳам қитъа чемпионати йўлланмаси берилиши олдиндан белгилаб қўйилганди. Иккинчи ўринлиларнинг ўрнини адолатли тарзда аниқлаш мақсадида уларнинг 4 ва 5-ўриндаги жамоалар билан ўзаро ўйинлари чиқариб ташлаб, фақат 1 ва 3-ўриндаги термалар билан ўйинлари инобатга олинган ҳолда рейтинг жадвали тузилди.
Ёшларимиз иштирок этган "А" гуруҳида Ҳиндистон (бугун бу жамоа Туркманистон билан дуранг ўйнади - 2:2) термасининг 3-ўринни эгаллагани бизга қўл келди. Жамоамиз Туркманистонни 1:0 ҳисобда енгган бўлса, икки кун аввал Ҳиндистонни 3:0 ҳисобида мағлуб этганди. Туркманлар билан ўйин 1-турга тўғри келгани учун футболчиларимиз кучли ҳаяжон остида ўйнаб, кўплаб вазиятларни кўкка совуришганди. Агар бугун Туркманистон ҳиндларни ютиб, гуруҳда 3-ўринни эгаллаганида, 2-ўринни эгаллаганлар жадвалида Ҳиндистон билан ўйинимиз натижаси эмас, қўшниларимиз билан натижа инобатга олинарди. Натижада 2-2 тўплар нисбати билан ОЧга чиқа олмай қолишимиз мумкин эди (қуйида берилаётган жадвалга қаранг).
Ҳиндистон гуруҳда 3-ўринни эгаллагани учун Қатар билан ўйинда бугун бизни 0:3 ҳисобидаги мағлубият ҳам қаноатлантирарди. Футболчиларимиз эса охиригача курашишди ва ўйин тугашига 5 дақиқа қолганида Забиҳилло Ўринбоевнинг голи эвазига 1:2 ҳисобида мағлубиятни тан олишди. Ўзбекистон 6та иккинчи ўринни эгаллаган жамоалар орасида 4-ўрин билан қитъа чемпионати йўлланмасига эга бўлди.
Ёшлар ўртасидаги Осиё чемпионати йўлланмасига эга бўлган терма жамоалар:
Гуруҳ ғолиблари: Қатар ("А" гуруҳи), БАА ("В"), Ироқ ("С"), Эрон ("D"), Уммон ("Е"), Вьетнам ("F"), Индонезия ("G"), КХДР ("Н"), Япония ("I")
Мезбон: Мьянма
Ёшлар ўртасидаги ОЧ 2-ўрин билан чиққан жамоалар
Гуруҳ |
ЖАМОАЛАР |
Ў |
Ю |
Д |
М |
Т-Н |
Фарқ |
О |
|
I |
Хитой |
2 |
1 |
1 |
0 |
4-2 |
+2 |
4 |
|
F |
Австралия |
2 |
1 |
0 |
1 |
8-5 |
+3 |
3 |
|
G |
Жанубий Корея |
2 |
1 |
0 |
1 |
6-3 |
+3 |
3 |
|
A |
Ўзбекистон |
2 |
1 |
0 |
1 |
4-2 |
+2 |
3 |
|
H |
Таиланд |
2 |
1 |
0 |
1 |
3-2 |
+1 |
3 |
|
B |
Яман |
2 |
1 |
0 |
1 |
3-3 |
0 |
3 |
|
D |
Саудия Арабистони |
2 |
1 |
0 |
1 |
2-2 |
0 |
3 |
|
C |
Бангладеш |
2 |
1 |
0 |
1 |
1-6 |
−5 |
3 |
|
E |
Фаластин |
2 |
0 |
1 |
1 |
1-2 |
−1 |
1 |
