Махачқалъанинг "Анжи" клуби юзага келган танаффусдан фойдаланиб, Ироқнинг "Нафт ал-Жануб" клуби билан назорат учрашувини ўтказди.
Одил Аҳмедов ўйинни асосий таркибда бошлади ва жамоасининг дастлабки голига муаллифлик қилди. 27-дақиқада белгиланган жарима тўпини Одил Аҳмедов аниқ зарба билан дарвозага йўллади. Ҳамюртимиз жамоасининг иккинчи голига ҳаммуаллифлик қилди. Жарима майдончаси ичида тўпни қабул қилиб олган Одил, уни орқароққа узатди. Шариф Муҳаммад эса кучли зарба билан дарвозанинг бурчагини ишғол қилди.
Иккинчи бўлимда Гаджи Гаджиев 6 нафар футболчини алмаштирган бўлса-да, Аҳмедов ўйинни охири қадар етказиб қўйди.
