Европа қитъасида ЖЧ-2014 саралаш босқичининг плей-офф босқичига қуръа ташлаш маросими 21 октябрь куни бўлиб ўтади. Кеча плей-оффда иштирок этадиган 8 жамоанинг номи маълум бўлди. Дания "В" гуруҳида 2-ўринни эгаллаган бўлса-да, плей-оффда иштирок эта олмайдиган бўлди.

Плей-оффда ўйнайдиган жамоалар: Хорватия ("А" гуруҳи), Швеция ("С"), Руминия ("D"), Исландия ("Е"), Португалия ("F"), Греция ("G"), Украина ("Н"), Франция ("I")

Қуръа пайтида жамоалар ФИФАнинг 17 октябрь куни эълон қилинадиган рейтинги асосида иккида саватчага бўлинишади. Юқори рейтинглилар битта саватча бўлишса, қолган 4та жамоа иккинчи саватча бўлади.

Сентябрь ойи рейтнгида Хорватия (10-ўрин), Португалия (11-ўрин) ва  Греция (12-ўрин) юқори ўринларни эгаллаб туришибди. Демак, бу жамоалар 1-саватчада бўлиши аниқ. Қолган жамоалар эса 20-ўриндан қуйидаги жойлашишган. Энг паст рейтинг кўрсаткичга эга бўлган жамоа Исландия ҳисобланади (сентябрь рейтингида 54-ўрин). Эртага эълон қилинадиган жадвалга кўра саватчаларнинг тўлиқ таркиби маълум бўлади.

Плей-офф баҳслари 15 ва 19 ноябрь кунлари бўлиб ўтади.