Футзал бўйича Ўзбекистон XVIII чемпиоанти 1-босқич 1-тур учрашувлари давом этмоқда. 17 октябрь куни учинчи кун учрашувлари ўтказилди.
Иккинчи кун ўйинларида «Ардус»ни 3:1 ҳисобида мағлубиятга учратиб, ўзига хос сенсация кўтарган Қаршининг «Дўстлик-AIN» жамоаси мавсум арафасида ўз таркибини маҳоратли ўйинчилар билан тўлдиришга муваффақ бўлган «Когон»га 2:5 ҳисобида имкониятни бой берди. Кетма-кет учта ўйинда ғалаба қозонган бухороликлар эса мусобақа жадвалида пешқадам бўлиб олишди.
Амалдаги Ўзбекистон чемпиони, Тошкентнинг «Локомотив» жамоаси ҳисобида ҳам тўққиз очко бор. Эътиборли томони, «темирйўлчилар» учинчи ўйин куни асосий рақибларидан бири – «Максам-Чирчиқ»ни 2:0 ҳисобида мағлубиятга учратишга муваффақ бўлишди. Бироқ тўплар нисбати сабаб «Локомотив» иккинчи поғонанини банд этиб турибди.
«Ардус» Андижоннинг «Турон-С» жамоасини 4:2 ҳисобида мағлубиятга учратган бўлса, «Пахтакор» ва «Бунёдкор» ўз рақиблари дарвозасига 9тадан гол уришди – «Нафис» «пахтакорчилар»га 2:9, «Строитель-Зарафшон» эса «бунёдкорчилар»га 4:9 ҳисобида имкониятни бой берди.
Тўртинчи кун учрашувлари 18 октябрь, жума куни ўтказилади. Шу куни «Пахтакор» – «Дўстлик-AIN», «Нафис» - Максам-Чирчиқ», «Строитель-Зарафшон» – «Локомотив», «Когон» – «Турон-С» ва «Ардус» – «Бунёдкор» учрашувлари бўлиб ўтади.
Ўзбекистон чемпионати, 1-босқич, 1-тур
Учинчи ўйин куни натижалари
17 октябрь, пайшанба
Дўстлик AIN – Когон 2:5
Турон-С – Ардус 2:4
Пахтакор – Нафис 9:2
Бунёдкор - Строитель-Зарафшон 9:4
Локомотив - Максам-Чирчиқ 2:0
| № | Жамоа | Ўйин | Ғалаба | Дуранг | Мағ-т | Т-Н | Очко |
|---|---|---|---|---|---|---|---|
| 1 | Когон | 3 | 3 | 0 | 0 | 18-4 | 9 |
| 2 | Локомотив | 3 | 3 | 0 | 0 | 14-2 | 9 |
| 3 | Дўстлик АИН | 3 | 2 | 0 | 1 | 11-8 | 6 |
| 4 | Ардус | 3 | 2 | 0 | 1 | 9-7 | 6 |
| 5 | Максам-Чирчиқ | 3 | 2 | 0 | 1 | 6-5 | 6 |
| 6 | Бунёдкор | 3 | 1 | 0 | 2 | 10-10 | 3 |
| 7 | Пахтакор | 3 | 1 | 0 | 2 | 11-12 | 3 |
| 8 | Турон-С | 3 | 0 | 1 | 2 | 7-11 | 1 |
| 9 | Строитель-Зарафшон | 3 | 0 | 1 | 2 | 9-18 | 1 |
| 10 | Нафис | 3 | 0 | 0 | 3 | 6-24 | 0 |
