«Бавария» устози Хосеп Гвардиола жамоа футболчиси Филип Ламнинг ярим ҳимоя чизиғига ўтказгани ҳақида фикр билдирди.
«Ўшанда бизнинг бир қатор ярим ҳимоячилар жароҳат олишганди. Швайнштайгер, Алкантара ва Мартинеслар шулар жумласидан. Кейин бу бўшлиқни қандай тўлдириш ҳақида ўйладим. Лам эса мавсумолди машғулотларда айнан ярим ҳимояда яхши ўйнай олишини намойиш этган эди.
Уни дунёдаги энг ақлли футболчилардан бири деб биламан. У ҳар қандай чизиқда ўйнай олади. Биз «Байер» ва «Манчестер Сити»га қарши ўйинларда усиз муваффақиятга эриша олмасдик»,- дейди мураббий.
