“Нефтчи” – “Сўғдиёна” учрашувидан кейинги матбуот анжуманида биринчи бўлиб мезбонлар маслаҳатчи мураббийи Амет Мемет иштирок этди.

Амет Мемет (“Нефтчи” маслаҳатчи мураббийи):
“Бугун “Сўғдиёна” бизга яхши сабоқ берди.  Мен айнан мана шу нарсани сезган ҳолда ўйинчиларга рақибни менсимаслик ёмон оқибатга олиб келишини ўқтиргандим. Лекин барибир бу нарса бизга панд берди. Замонавий футболда кучсиз рақибнинг ўзи йўқ. Жамоа қанчалик кучли бўлмасин, рақиб ҳам футбол ўйнашини унутмаслик лозим.

Бугун айрим футболчиларга дам беришимнинг боиси, олдинда бизни қийин ўйинлар кутиб турибди. Шогирдларимни мана шу баҳсларга зўриқишсиз тайёрлашни мақсад қилгандим. Аммо мағлубият футболнинг бир қисми эканлигини унутмаслик керак. “Сўғдиёна”ни ғалаба билан табриклайман”.