"Динамо" - "Пахтакор" учрашувидан кейин ўтказилган матбуот анжуманида дастлаб меҳмонлар бош мураббийи журналистлар саволларига жавоб қайтаришди.

Мурод Исмоилов, «Пахтакор» бош мураббийи:
— Кутилганидек, Самарқанддаги учрашув ҳам биз учун оғир ўтди. Ушбу учрашувга катта тайёргарлик кўрган бўлсак-да, барибир ўша олдинги муаммоимиз – вазиятлардан унумли фойдаланиш борасидаги кўрсаткичимизни тўғрилай олмадик. Бир қатор вазиятлар кўкка совурилди. Бу бизнинг «касаллиги»миз бўлиб қолмоқда. Шу боис, ўйин охирини жуда асабий ўтказдик. «Динамо» эса яратилган имкониятдан фойдалана олди. Умуман олганда эса, асосий мақсад уч очко қўлга киритилганидан хурсандман.