“Бунёдкор” – “Олмалиқ” учрашувидан кейинги матбуот анжуманининг иккинчи қисмида “қалдирғочлар” устози қатнашди.

- “Олмалиқ” шаклланган ва ўз услубига эга жамоа. Улар яқинда ушбу стадионда “Пахтакор”ни ютиб кетишганди. Тезкор гол уришимизга қарамасдан, хотиржамлик оқибатида ўз дарвозамиздан тўп олиб чиқдик. Кейин ҳисобда олдинга чиқиб олганимиздан кейин ҳам игна устида утиргандек бўлдим. Боиси “Олмалиқ” аъзоларидан ҳар қандай хавфни кутиш мумкин эди. Қачонки, Бердиев захирадан тушиб ҳисобдаги фарқни оширганидан кейингина хотиржам бўлдим. Бу жамоа биз учун ноқулай рақиб ҳисобланади. Шунинг учун ҳам ғалабадан хурсандман, - дейди Миржалол Қўшоқович.