«Милан» ярим ҳимоячиси Кака Италия чемпионати 8-туридан ўрин олган «Удинезе»га қарши кечган ўйидан кейин ўз фикрлари билан ўртоқлашди.

«Яна «Сан-Сиро»да ўйнаш жуда ажойиб бўлди. Мен қаттиқ ҳаяжонландим. Кун давомида шу ҳақда ўйладим: мухлислар мени қандай кутиб олишаркин. Ғалаба қозонишимиз муҳим эди ва биз буни уддаладик.

Мухлисларнинг мендан кўп нарсани кутаётганини билиш жуда ёқимли. Мен бир ой ўйнамадим. Спорт формамни тиклашим керак. Жамоани бирлаштириш ва ғалабалар қозониш учун қўлимдан келаган ишни қиламан.

«Барселона»га қарши ўйин қийин бўлиши табиий. Бироқ бизда жароҳатланган футболчилар сафга қайтишмоқда. «Милан» кундан-кунга кучайиб бораяпти. Биз яхши натижаларга эриша оламиз»,- дейди Кака.