Лондоннинг «Тоттенҳэм» жамоаси келаси йилдан бошлаб янги стадион қуришни бошлайди. Бу ҳақда goal.com хабар бермоқда.
«Тоттенҳэм» 2012 йилги ёзги олимпиада ўйинлари учун барпо этилган стадионнинг ҳуқуқини қўлга киритишга ҳаракат қилган эди, лекин Англия футбол иттифоқи стадионни «Вест Ҳэм»га ижарага бериб юборди.
Жамоа янги стадионнинг кўп сиғимли бўлишини мўлжаллаган. Режага кўра у 56 минг мухлисни ўз бағрига сиғдира олади. Янги арена 2016/2017 йилги мавсум учун тайёр бўлади. Манбада айтилишича, бу стадион учун тахминан 400 миллион фунт харажат қилинади.
