Мадриднинг «Атлетико» жамоаси ярим ҳимоячиси Тоби Алдервейрелд чемпионлар лигасининг 3-туридан ўрин олган «Аустрия»га қарши ўйин ҳақида фикр билдирар экан, «матрасчилар»нинг Испания чемпионатидаги «Эспаньол»дан қабул қилган мағлубиятини унутиши кераклигини таъкидлади.

«Ҳар доим ҳам ғалаба қозонишнинг иложи йўқ. «Эспаньол»га қарши ўйинда мағлубиятга учрамаслик учун қўлимиздан келганини қилдик. Ҳозир бу мағлубиятни унутиш ва чемпионлар лигаси учрашувига тайёрланиш керак»,- дейди футболчи.

Хабарингиз бор, Испания чемпионатининг 9-турида «Атлетико» илк марта чемпионати учрашувида очко йўқотган эди. «Эспанол» 1:0 ҳисобида ғалаба қозониб, Диего Симеоне жамоасини тўхтатиб қолганди.