Мадриднинг «Реал» клуби устози Карло Анчелотти чемпионлар лигаси доирасидаги «Ювентус»га қарши ўйиндан кутаётганлари ҳақида фикр билдирди.

«Ювентус» охирги ўйинда «Фиорентина»га қарши ўйинда яхши ҳаракат қилди. Лекин футболда шундай ҳолатлар бўладики, сенинг айтганинг бўлавермайди. Буни сўз билан ифодалаш қийин.

Уларнинг 70 дақиқа жуда яхши ўйнаганини кўрдик. Мана шу ўйиндан қўрқиш керак.

Италия чемпионатида бу йил рақобат анча кучайди. Менимча, бу жуда яхши чемпионат.

«Ювентус» ҳимояда мустаҳкам ўйнай олади. Улар қанотлардан ҳам усталик билан фойдаланишади. Майдон марказини эса Пирло бошқаради.

Туриндаги фаолиятимдан фақат яхши хитиралар қолган. Мен у ерда инсон ва мураббий сифатида ўсдим.

Эртага майдонга тушадиган футболчиларимдан кўнглим тўқ. Жамоам ўйинга шай. Балки, таркибда ўзгартириш қиларман. Алонсо кеча машғулотларда қатнашди ва эртага майдонга тушиши мумкин»,- дейди мураббий.