Бу жамоаларнинг ўзаро учрашувлари доимо муросасиз ва шиддатли кечган. Шу кунгача мамлакатимиз миллий чемпионати тарихида қўшнилар ўртасида йигирма беш ўйин ўтказилган. 

  Улардан ўн иккитасида «Қизилқум» футболчилари зафар қучган. Учта учрашувда эса жамоалар муроса йўлини танлашган. Қолган ўнта ўйинда эса омад бухороликларга кулиб боққан. Ўзаро ўйинларда дарвозаларга киритилган тўплар нисбатига кўра, ҳозирча кончилар олдинда — 42-33!   «Қизилқум» — «Бухоро» жамоалари ўртасидаги энг йирик ҳисоб 2002 йил 15 июнда Зарафшонда қайд этилган. Унда кончилар рақиблари дарвозасига жавобсиз бешта тўп киритишган — 5:0.   «Қизилқум» футболчилари ўзаро учрашувлардаги энг йирик мағлубиятни бухороликлардан 2000 йил  22 июнда ўтказилган ўзаро илк ўйинда қабул қилишган — 1:4.   Бу йилги мавсумнинг биринчи давра учрашуви маълум сабабларга кўра, 4-турдан жой олган «Бухоро» — «Қизилқум» учрашуви 30 март куни Тошкентда ўтказилган. Унда бухороликлар 4:3 ҳисобида ғалаба қозонишганди. Айнан шу ўйинда Навоийда мазкур жуфтлик баҳсини бошқариши кутилаётган андижонлик Темур Тўхтасинов бош ҳакамлик қилган эди. Учрашувнинг биринчи бўлимида кончилар 3:1 ҳисобида олдинда бора туриб, танаффусдан сўнг, мағлубиятга учраган ва бош ҳакамнинг баъзи қарорлари «Қизилқум» мураббийлари ва ўйинчиларининг эътирозларига сабаб бўлган эди.   Навоийда қандай натижа қайд этилишдан қатъий назар «Қизилқум» — «Бухоро» баҳси муросасиз кечиши кутилмоқда. Элитада ўз мавқеини сақлаб қолиш учун курашаётган кончиларни бу баҳсда фақатгина ғалабагина қаноатлантиради…   Қуйида бу жамоаларнинг бугунгача ўтказган ўзаро ўйинлари натижалари билан танишинг:   2000 йил 19-тур. 22 июнь Қизилқум — Бухоро — 1:4 20-тур. 26 июнь Бухоро — Қизилқум — 2:1   2001 йил 11-тур. 15 май Бухоро — Қизилқум — 0:3 24-тур. 29 август Қизилқум — Бухоро — 1:2   2002 йил 13-тур. 15 июнь Қизилқум — Бухоро — 5:0 18-тур. 17 август Бухоро — Қизилқум — 2:1   2003 йил 7-тур. 7 май Бухоро — Қизилқум — 0:1 24-тур. 20 сентябрь Қизилқум — Бухоро — 2:0   2004 йил 7-тур. 25 апрель Қизилқум — Бухоро — 1:2 20-тур. 6 октябрь Бухоро — Қизилқум — 1:0   2005 йил 11-тур. 23 июнь Бухоро — Қизилқум — 2:3 16-тур. 21 август Қизилқум — Бухоро — 2:2   2006 йил 11-тур. 24 июнь Бухоро — Қизилқум — 0:0 16-тур. 28 июнь Қизилқум — Бухоро — 1:0   2007 йил 3-тур. 31 март Қизилқум — Бухоро — 3:1 28-тур. 30 ноябрь Бухоро — Қизилқум — 3:1   2008 йил 7-тур. 26 апрель Бухоро — Қизилқум — 0:2 24-тур. 18 октябрь Қизилқум — Бухоро — 1:0   2009 йил 7-тур. 25 апрель Қизилқум — Бухоро — 3:2 24-тур. 3 октябрь Бухоро — Қизилқум — 3:5   2011 йил 4-тур. 2 апрель Қизилқум — Бухоро — 0:0 23-тур. 15 октябрь Бухоро — Қизилқум — 2:1   2012 йил 4-тур. 14 апрель Қизилқум — Бухоро — 1:0 23-тур. 19 октябрь Бухоро — Қизилқум — 1:0   2013 йил 4-тур. 30 март Бухоро — Қизилқум — 4:3…