"Барселона" ҳужумчиси неймар Испания чемпионати доирасида кечадиган "Реал"га қарши учрашув хусусидаги фикрлари билан ўртоқлашди.
"Классико - ўзининг энг яхши ўйинини кўрсатишни истаган ҳар қандай футболчи учун энг муҳим ўйиндир. Бу менинг "Реал"га қарши илк дербим бўлади. Умид қиламанки, мен жуда яхши ўйин кўрсата оламан, учрашув эса бизнинг фойдамизга ҳал бўлади.
Марсело билан жуда яқин алоқаларимиз бор. У футболчилар орасидаги энг яхши дўстларимдан, лекин унга "Барселона" ғалаба қозонади, деб аллақачон айтиб бўлганман", - деди бразилиялик.
Эслатиб ўтамиз, "Барселона"-"Реал" учрашуви шанба куни, Тошкент вақти билан соат 21:00да бошланади.













