«ПСЖ» ҳужумчиси Златан Иброҳимович кеча бўлиб ўтган чемпионлар лигаси доирасидаги «Андерлехт»га қарши учрашувда тўртта голга муаллифлик қилганидан хабарингиз бор.
Буни қарангки, Иброҳимович учинчи голини киритганда тўп 150 км/с тезлик билан ҳаракатланган. Бундай дахшатли зарбани табиийки, дарвозабон қайтара олмади.
«Учинчи голим менга ёқди. Яхши масофа танладим ва зарба ҳам кучли чиқди.
Мен ўзим ва шерикларим учун вазиятлар яратдим. Бешта гол уриш насиб қилмади. Кавани яна битта голга муаллифлик қилди. Нима бўлганда ҳам биз 5:0 ҳисобида ғалаба қозондик.
Энди қолган учрашувларга тайёрланиш керак. Бу ёғига осон рақиб қолмади. Яна бир ғалаба бизга кейинги босқич йўлланмасини тақдим этади. «ПСЖ» ўтган йилгига қараганда анча кучайди»,- дейди футболчи.
