«Бавария» ярим ҳимоячиси Франк Рибери болалиги ва шахсий ҳаёти ҳақида гапириб ўтди.

«Ёшлигимда қийналиб ўсганмиз. Қийналган вақтларимда футбол ўйнаб кўнглимни кўтарардим.

Кучли ва кучсизларга бир хил муносабатда бўламан. Майдонда юракдан ўйнайман. Мен учун энг асосийси, оилам ва яқинларим. Агар уларнинг бирортасида муаммо бўлса, бу менинг ҳам муаммом бўлади. Оилам даврасида кўпроқ вақт бўлишни хоҳлайман.

Шундай вақтлар бўлганки, футболдан топган пулларим оилам учун етарли бўлмаган. Баъзи вақтларда футбол ҳақида унутиб, отам билан бирга ишлашга тўғри келарди. У йўл қурилишида ишлар эди.

Фаолиятимнинг бошида ҳаммаси бундай бўлишини хаёлимга ҳам келтирмаганман. Футбол менга кўп нарса берди. Бу билан оиламни боқдим»,- дейди футболчи.