"Манчестер Сити" бош мураббийи Мануэль Пеллегрини АПЛнинг 9-тури доирасидаги "Челси"га қарши ўйин ҳақида Sky Sports нашрига интервью берди.
"Қийин ўйин кутяпти. "Челси"дан бир очкога ортда қоляпмиз. Агар улардан ўзиб кетишни хоҳласак, унда ғалаба қозонишимиз шарт.
Моуриньо билан таниш эмасман. Ҳа, биз Испанияда ишлаганмиз. Лекин бошқа-бошқа клубларда. Балки у билан ҳаётга қарашларимиз фарқ қилар. Мен унинг ҳаётига, у меникига ҳеч қачон аралашмаганмиз.
Чемпионлик унвони учун даъвогарлар билан ўйинлар ҳар доим катта аҳамиятга эга бўлади. Менимча, бу ўйин 6 очко учун кечади", - деди Пеллегрини.