ФИФА Президенти Йозеф Блаттер ноябрда Қатар амири Тамим ибн Ҳамад Оли Соний билан учрашади ва ЖЧ-2022ни қишда ўтказиш масаласини муҳокама қилади. Бу ҳақда Associated Press берган маълумотга кўра, музокаралар 9 ноябрь куни Доҳада бўлиб ўтади.
Учрашувда, шунингдек, мусобақага тайёргарлик жараёнида бўлаётган қурилишлардаги ишчиларнинг ҳуқуқ ва меҳнат шароитлари борасида ҳам сўз боради. Сентябрда Халқаро Касаба Уюшмалари Конфедерацияси ФИФАга Қатардаги ЖЧ муносабати билан кетаётган қурилишлар боис мамлакатдаги меҳнат қонунчилигини ўзгартиришга ёрдам беришни сўраб қилган мурожаати бунга сабаб бўлган. ХКУК ўз илтимосида ЖЧ-2022гача камида 4 минг нафар ишчи иссиқдан ҳалок бўлиши хавфи борлигини таъкидлаган.
