Лондоннинг "Арсенал" клуби ўз расмий сайтида яримҳимоячи Серж Гнабри билан "узоқ муддатли шартнома тузганини" эълон қилди. Келишув айнан қанча муддатга бўлгани ҳақида хабар берилмаган.
Қайд этиш жоиз, ушбу футболчи бу йилги Golden Boy соврини учун даъвогар 40 нафар ўйинчи орасидан жой олган.
"Серж Гнабрига ишонаман, у буюк ўйинчи бўлиб етишади", - дейди Арсен Венгер.
Жорий мавсумда 18 ёшли немис яримҳимоячиси "Арсенал" таркибида 5 ўйинда майдонга тушди. Унинг ҳисобида ҳозирча 1 гол ва 1 голли узатма бор.













