Мавсумнинг биринчи лига баҳслари якунига етди. Олий лига йўлланмасини қўлга киритган “Машъал” иккинчи босқичда 15та ўйин ўтказиб, ушбу ўйинларда жами 40та гол урди. “НБУ-Осиё”га қарши Муборакда кечган баҳсда меҳмонлар ҳимоячиси Фаррух Нурлибоевнинг автоголини қўшиб ҳисобласак, голлар сони 41тани ташкил қилди.

Иккинчи босқичда Зоҳир Қўзибоев 12та гол киритишга муваффақ бўлди ва бу борада биринчи лига ҳужумчилари орасида яққол пешқадамга айланди. “Машъал” таркибида Виктор Клишин 6та гол урган бўлса, Жаҳонгир Абдумўминов 5та гол уришга муваффақ бўлди.

Мирзоҳид Ғофуров, Баҳодир Муртазоев, Жамшид Ҳасанов ва Ихтиёр Тошпўлатов ўз ҳисобларига 3тадан гол ёзиб қўйишди. Ёш ҳужумчи Элдор Шомуродов 2 бор рақиблар дарвозасини ишғол қилган бўлса, Аббос Шодмонов, Акбар Ҳотамов ҳамда Рустам Аъзамов биттадан гол уришди.

Қуйида биринчи лига иккинчи босқичида гол урган "Машъал" футболчиларини билан танишинг:
1.    Зоҳир Қўзибоев – 12
2.    Виктор Клишин – 6
3.    Жаҳонгир Абдумўминов – 5
4.    Мирзоҳид Ғофуров – 3
5.    Баҳодир Муртазоев – 3
6.    Жамшид Ҳасанов – 3
7.    Ихтиёр Тошпўлатов – 3
8.    Элдор Шомурадов – 2
9.    Аббос Шодмонов – 1
10.  Акбар Ҳотамов – 1
11.  Рустам Аъзамов – 1
12.  Фаррух Нурлибоев - 1, автогол (“НБУ-Осиё”).