“Насаф”-“Бунёдкор” учрашуви якунига етгач дастлаб меҳмонлар бош мураббийи Миржалол Қосимов журналистлар саволларига жавоб бериб ўтди.

Миржалол Қосимов, “Бунёдкор” жамоаси бош мураббийи:

— Авваламбор барчангизни ғалаба билан табриклайман. Бугунги ўйин ҳақида тўхталадиган бўлсам учрашув дуранг бўлса маъқул эди. Биринчи бўлимда “Насаф” ҳақиқатдан кучли ўйнади. Биз иккинчи бўлимда ўйинимизни кучайтирдик. Хайрулла Каримовнинг қизил карточка олиши ўйинимизга салбий таъсир этди. Шундай бўлсада, охиригача курашдик. 2011 йил кубок баҳсида ҳам ўйинни айнан Коваленко бошқарганди, ўшанда ҳам ютқизгандик. Иккинчи сапиқ Хайрулла Каримовга ноҳақ берилди, деб ўйлайман. Хаёт давом этади. Олдимизда 26 турнинг қизиқарли учрашувлари турибди. Нима ҳам дердим ютқазишни ҳам билиш керак!

— Шуҳрат Муҳаммадиевнинг ўйинига қандай баҳо берасиз: Терма жамоа даражасида ўйнай оладими?

— Муҳаммадиев эндигина жарохатдан қайтди. Лекин у “Насаф”ни кучайтирадиган ўйин намойиш қилмоқда. Ўйинини кучайтириб бораверса термадан ҳам таклиф олиши мумкин.

—Хайрулла Каримов жуда кўп ўйинларда қўпол ўйнайди. Унга интизомий тушунтиришлар олиб бормаганмисиз?

—Майдонда қўполлик ишлишдан қўрқиб ўйнагандан шашка ўйнаган маъқул. Қўполликлар футболнинг ажралмас қисми. Ҳамза Каримовнинг қўполликлари ҳам Хайрулланикидан кам эмасди. Ҳакам майдонда жамоаларни тенг кўриши керак.