«МЮ» ҳимоячиси Рио Фердинанд чемпионлар лигасининг «Реал Сосьедат»га қарши бўлиб ўтган ўйин ҳақида фикр билдирди.
«Менимча, биз ёмон ҳимояланмадик. Рақибни майдон марказида кутиб олдик ва бу ҳужумга ўтиш имконини яратди. Феллайни кўп яккакурашларда ғолиб чиқди. Унга қизил карточка бермаса ҳам бўларди. Феллайни ҳар ўйинда 3-4 марта қоида бузади, лекин бунақаси еврокубокларда бўлиб туради.
Албатта, натижа кутилганидек бўлмади. Биз пенальтидан гол ура олмадик. Бундан ташқари Чичарито ва ван Персида ҳам яхши имкониятлар бўлди. Меҳмондаги ўйинларда асосий вазифа гол ўтказиб юбормаслик ва имкон бўлганида гол уриш бўлади. Афсуски, биз иккинчи вазифани уддалай олмадик»,- дейди футболчи.
