«Бавария» сардори Филип Лам чемпионлар лигаси доирасидаги «Виктория»га қарши бўлиб ўтган ўйин ҳақида фикр билдирар экан жамоанинг ўйин стартида ёмон ўйнаётганини таъкидлади.
«Биз ўйин бошида ухлаб қолмаслигимиз керак. Қанча тез ўйинга киришиб кетсак, шунча яхши. Рақибга биз билан ўйинда яхши натижага эришиш мумкин экани ҳақида ўйлашга йўл қўймоқдамиз.
Биз «Виктория»ни Германияда 5:0 ҳисобида енгдик. Балки бугун чарчагандирмиз, лекин хотиржамликка берилиш ярамайди. Умуман олганда бизда ҳаммаси яхши давом этмоқда – тўртта ўйинда 12та очко»,- дейди футболчи.
