«Милан» ярим ҳимоячиси Рикардо Кака ҳамюрти Луис Назарио де Лима Роналдони «Реал» ҳужумчиси Криштиану Роналдудан кучли деб ҳисобламоқда.

«Мен билан бирга ўйнаган энг зўр футболчи Роналдо деб биламан. Криштиану мен танлайдиган бешта энг яхши футболчидан бири бўлиши аниқ, лекин Роналдо – фэномен»,- деб футболчининг сўзларидан иқтибос келтиради Football Italia.

Таъкидлаш жоизки, Роналдо фаолияти давомида «Крузейро», «ПСВ», «Интер», «Барселона», «Реал», «Милан» ва «Коринтианс» клубларида ўйнаган. Бу вақт давомида 518 ўйинда майдонга 352та голга муаллифлик қилган. Бразилия терма жамоаси сафида эса 98 учрашув ўтказган Роналдо 62 марта рақиб дарвозаларини ишғол қилган.

Криштиану эса фаолияти давомида «Спортинг», «МЮ» ва «Реал»да ўйнаган. Бу вақт давомида 538 ўйинда 345 марта гол муаллифига айланган. Португалия терма жамоаси сафида 106 учрашувда майдонга тушиб, 43 марта гол киритган.