«Барселона» ҳимоячиси Ҳерар Пике чемпионлар лигаси доирасидаги «Милан»га қарши ўйин ҳақида фикр билдирди.
«Биз яхши ўйин ўтказдик. Адашмасам, «Милан» бир марта дарвоза томон аниқ зарба берди. Кўплаб вазиятлардан фойдалана олмадик. Ҳисоб бундан ҳам яхши бўлиши мумкин эди.
Жамоа янги мураббий қўл остида ҳаракат қилмоқда ва биз янгича талабларга дуч келмоқдамиз. Ҳозирча ҳаммаси яхши. Биз аста-секин бир чизиққа тушиб боряпмиз.
Менимча, Месси охирги йилларда бизга жуда кўп нарса берди. Унинг биз билан ўйнаши жуда ажойиб. Месси бутун замонларнинг энг яхши футболчиси деб биламан»,- дейди Пике.
