"Барселона" яримҳимоячиси Хави Эрнандес янги бош мураббий Херардо Мартино қўл остидаги жамоа ўйини борасида берилган саволга жавоб қайтариб, "тики-така" деб ном олган жамоа ўйини ўзгариб бораётгани ҳақидаги фикрларни рад этди.
"Ўйинимиз фалсафаси аниқ: биз яхши ўйнашга ва ўз мақсадларимизга эришишга интиламиз. Агар бошқачасига ўйласак, янглишамиз. "Барса" ўйини фалсафаси тўпни назорат қилиш ва ҳужумга эътибор беришни тақозо қилади ва биз буни ўзгартириш ҳақида ўйлашимиз мумкин ҳам эмас. Ташқаридагиларнинг муҳокамалари бизни қизиқтирмайди, улар жамоанинг ичида эмаслар. Мураббийимиз аллақачон ўз ғоялари борада бир неча маротаба гапириб берди", - деди Хави.














