ФИФА президенти Йозеф Блаттер ўсмирлар ўртасидаги ЖЧ финали олдидан ўтказилган матбуот анжуманида "Олтин тўп" соврини учун овоз беришда номзод футболчилар сонини 3 нафардан 5 нафаргача оширишга қарор қабул қилинганини айтиб ўтди.

Хабарингиз бор, дунёнинг энг яхши футболчисини аниқлашда ФИФАга аъзо бўлган ассоциациялар терма жамоалари бош мураббийлари, сардорлари ва матбуот котиблари иштирок этишади. Улар ҳар йили 3 нафар футболчиларга овоз беришарди. 1-ўринда кўрсатилган футболчига 5 балл, 2-ўриндагига 3 балл ва 3-ўринда кўрсатилган футболчига 1 балл бериларди. Натижада энг яхши футболчининг номи аниқ бўларди.

«Олтин тўп»га номзодларнинг кенгайтирилган рўйхати:
Гарет Бейл (Уэльс), Луис Суарес, Эдинсон Кавани (иккиси— Уругвай), Радамель Фалькао (Колумбия), Эден Азар (Бельгия), Златан Иброҳимович (Швеция), Андрес Иньеста, Хави (иккиси— Испания), Филипп Лам, Бастиан Швайнштайгер, Месут Озил, Томас Мюллер, Мануэль Нойер (барчаси — Германия), Роберт Левандовски (Польша), Лионель Месси (Аргентина), Тиаго Силва, Неймар (иккиси— Бразилия), Андреа Пирло (Италия), Франк Рибери (Франция), Робин ван Перси, Арьен Роббен (иккиси — Голландия), Криштиану Роналду (Португалия), Яҳё Туре (Кот-д'Ивуар).