«Ювентус» устози Антонини Конте кеча бўлиб ўтган «Наполи»га қарши бўлиб ўтган ўйиндан кейин ўз фикрлари билан ўртоқлашди. Журналистлар ўйиндан кейин ундан биринчи гол киритилгандаги ҳолат ҳақида сўрашди.
Гап шундаки, ўша вазиятда Фернандо Лоренте 23 сантиметрга ҳимоячидан ўзиб кетган, лекин ҳакам голни инобатга олган эди.
«Лайнсмен бу ҳолатни тўғри баҳолаши учун унга лупа керак эди. Афсус шундай чиройли ғалабадан кейин бошқа нарса йўқдай офсайд ҳақида савол беряпсиз. Бу жамоа қилган меҳнатига ҳурматсизлик деб ўйлайман»,- дейди Конте.