"Ливерпуль" ҳимоячиси Глен Жонсон "Фулхэм" устидан қозонилган ғалабадан (4:0) сўнг Sky Sports нашри билан суҳбатда бўлди.
"Ливерпуль" тарихида жуда кўплаб кучли таркиблар тўп суриб, барча совринларни ютганлар, аммо менинг хотирамдаги "Ливерпул" ҳозир ўзининг энг кучли таркибига эга. Аввал ҳеч қачон бу даражада кучли бўлмаганмиз. Исталган рақиб бизга қарши ўйинга ҳайиқиш билан тушмоқда.
Мен ҳам бу муваффақиятли лойиҳанинг бир қисми эканимдан хурсандман. "Арсенал" мағлуб этилгач яна ғалаба қозониш жуда ёқимли. Биз жангга қайтдик. Шу билан бирга, ўз дарвозамиз дахлсизлигини ҳам сақлай олдик. Бу ҳам жуда муҳим. Ғалаба қозонишда давом этамиз деб умид қиламан", - дейди Жонсон.