Ўзбекистон миллий терма жамоаси бош мураббийи Миржалол Қосимов Осиё кубоги-2015 cаралашидан ўрин олган Вьетнам ва Гонконг терма жамоаларига қарши ўйинлар учун 23 нафар футболчидан иборат якуний таркибни эълон қилди.

15 ноябрь куни Вьетнам, 19 ноябрь куни эса Вьетнам терма жамоаларига қарши ОК-2015 саралаш ўйинларида майдонга тушадиган Ўзбекистон миллий терма жамоаси 12 ноябрь куни кечаси Сеул орқали Вьетнамга учиб кетади.

Таъкидлаш жоиз, Тошкентдаги йиғинга чақирилган Темур Кападзе («Актобе»), Жасур Ҳасанов («Бунёдкор»), Ислом Иномовлар («Локомотив») жароҳатлари туфайли терма жамоа билан сафар ўйинларига учмайдиган бўлди. Жароҳат олган футболчилар ўрнига эса, Қозоғистоннинг «Жетису» клуби вакили Шавкат Саломов, ҳамда Тошкентнинг «Бунёдкор» клуби ярим ҳимоячиси Дилшод Жўраевлар таклиф этилди.

Эслатиб ўтамиз, Ўзбекистон миллий терма жамоаси 15 ноябрь куни Ханоида Вьетнамга қарши, 19 ноябрь куни эса сафарда Гонконгга қарши ОК-2015 саралаши учрашувларида майдонга тушади. Қосимов шогирдлари айни дамда саралашнинг «Е» гуруҳида 4 очко билан 2 ўринда бораётган бўлса, уч ўйинда учта ғалабага эришган БАА терма жамоаси гуруҳда пешқадамлик қилмоқда.

Ўзбекистон миллий терма жамоасининг Осиё Кубоги-2015 саралаш босқичи доирасидаги Вьетнам ва Гонгконг терма жамоаларига қарши учрашувлар учун эълон қилган якуний таркиби:

Дарвозабонлар:
Элдор Суюнов («Насаф»)
Александр Лобанов («Пахтакор»)
Мурод Зуҳуров («Бунёдкор»).

Ҳимоячилар:
Анзур Исмоилов («Чангчун Ятаи», Хитой)
Ислом Тўхтахўжаев («Локомотив»)
Виталий Денисов («Локомотив» Москва, Россия)
Владимир Козак («Пахтакор»)
Шавкат Муллажонов («Лиаонинг», Хитой)
Даврон Ҳошимов («Пахтакор»)

Ярим ҳимоячилар:
Азиз Ҳайдаров («Аш-Шабоб», БАА)
Фозил Мусаев («Ал-Муъайзир», Қатар)
Санжар Турсунов («Газовик», Россия)
Одил Аҳмедов («Анжи», Россия)
Шавкат Саломов («Жетису», Қозоғистон)
Жамшид Искандеров («Пахтакор»)
Сардор Рашидов («Бунёдкор»)
Сервер Жепаров («Сёнгнам Ильва», Жанубий Корея).
Дилшод Жўраев («Бунёдкор»)

Ҳужумчилар:
Баҳодир Насимов («Нефтчи», Озарбайжон)
Игорь Сергеев («Пахтакор»)
Воҳид Шодиев («Бухоро»)
Шаҳзод Нурматов («Металлург»)
Иван Нагаев («Локомотив»)