Англия чемпионатининг "Манчестер Юнайтед"-"Арсенал" (1:0) учрашувидан сўнг манчестерликлар ҳужумчиси Робин ван Перси "тўпчилар" кийиниш хонасига кирди ва уларни мағлубият билан табриклади, деб ёзди Daily Star.
Ҳужумчи баъзи собиқ жамоадошларига ва бош мураббий Арсен Венгерга ўтган мавсум бошида Лондон клубидан кетганидан қанчалик бахтиёрлиги ҳақида сўзлаган. Шунга қарамай лондонликлар голландияликнинг бу сўзларини илиқ қарши олганлар, дея қайд этади юқорида номи келтирилган нашр.
Хабарингиз бор, ўйинда ғалаба тўпини ван Перси киритганди. Аммо ўтган йили "Арсенал" билан икки ўйинда ҳам урган голларини нишонламаган "МЮ" аъзоси бу сафарги муваффақиятидан хурсандчилигини яшириб ўтирмади.













