«Арсенал» дарвозабони Войцех Шчесни «Манчестер Сити»даги ҳамкасби Жо Хартнинг асосий таркибдан четда қолаётгани ҳақида фикр билдирди.

Менимча, Харт – дунёдаги энг яхши дарвозабонларданн бири, агар энг зўри бўлмаса. Ўтган бир неча йил давомида Харт буни исботлади.

Охирги икки ҳафтада у майдонга туша олмаётгани рост, лекин буни унутишингизни маслаҳат бераман. Ҳамма футболчининг бошидан бундай кунлар ўтади.

Ҳозир унда барчасини ўйлаб олиш, дам олиш ва босимга қандай дош бериш ҳақида мулоҳаза қилиш имкони бор. Мен бундай даврни босиб ўтдим ва умид қиламанки, Жо ҳам буни уддалайди. У аввалгидан ҳам яхшироқ спорт формасида қайтса мен нималар бўлишини ўйлашга қўрқаман»,- дейди Польша терма жамоаси посбони.