БААга қарши ўйинда мағлубиятга (0:4) учраганига қарамай, Гонконг терма жамоаси бош мураббийи Ким Пан Гон "Е" гуруҳида 2-ўринни эгаллаб, Осиё кубогига чиқишга умид қилаётганини таъкидлаб ўтди.

"Бугунги ғалаба билан БААни табриклайман. Улар биздан кучли эдилар ва ўз имкониятларидан фойдаланишди. Мағлубиятга қарамай, биз таслим бўлмаймиз ва қитъа чемпионатига чиқиш учун имкониятларимизни сақлаб қолишга ҳаракат қиламиз", дейди кореялик мутахассис.

"Футболда ғалаба ва мағлубиятлар бўлади. Бугун йўл қўйган хатоларимиздан тўғри хулоса чиқариб, уларни тўғрилашга ва кейинги ўйинларда ушбу хатоларга йўл қўймасликка ҳаракат қиламиз. Кейинги икки ўйинда яхши натижага эга бўлишни хоҳласак, шундай қилишимиз керак. Кейинги ўйинларда ғалаба қозониб, гуруҳда 2-ўринни эгаллаймиз", деган умиддаман", дейди Ким Пан Гон.

Эслатиб ўтамиз, Гокнонг ва Ўзбекистон терма жамоалари ўртасидаги 5-тур ўйини 19 ноябрь куни соат 17:00 (Тошкент вақти билан)да бўлиб ўтади.