Англия терма жамоаси устози Рой Ходжсон Германияга қарши кечадиган ўртоқлик учрашуви жамоа дарвозабони Жо Харт учун жуда муҳим эканини таъкидлади.

«Мен Жога дарвозабон кийимини ва майдонга тушиш ҳуқуқини беришим мумкин. Бундан ортиқ ҳеч нарса эмас.

У жуда тажрибали футболчи ва қандай ҳолатда эканини тушуниб турибди. Агар у Германияга қарши яхши ўйин кўрсатса, дарвоаси даҳлсизлигини сақлаб қолган ҳолда жамоанинг ғалабасига ҳисса қўшса, ишончим комилки, одамлар у ҳақда ижобий фикр билдиришади.

Агар у ёмон ўйнаса ва керак бўлмаган голларни ўтказиб юборса, танқидларга чидаши керак бўлади. Бу замонавий футболнинг талаби»,- дейди мураббий.