19 ноябрь куни Ўзбекистон терма жамоаси Осиё кубоги-2015 саралаш ўйинлари доирасида, сафарда Гонгконг термаси билан куч синашади.

Гонгконг – (Хёнкон ёки Сянган) – Хитой Халқ Республикасининг махсус маъмурий тумани ҳисобланиб, дунёнинг молиявий марказларидан бири. Гонгконг – расман мустақил давлат эмас. У Жанубий Хитой денгизи бўйида, Коулун ярим оролида жойлашган. Аҳолиси 7 млн.дан ортиқ.

Футбол бўйича Гонгконг чемпионати 1908 йилдан буён ўтказилиб келинмоқда. Чемпионат ғолиби ОФК кубогида иштирок этади. Гонгконг чемпионатида 12 клуб иштирок этади. Энг кўп ғолиб чиққан жамоа - Саут Чайна (FC South China) ) - 40 марта.

Гонгконг терма жамоаси бугунги кунда ФИФА рейтингида 148-ўринда, ОФКда 24-ўринда бормоқда. Гонгконг терма жамоасининг энг йирик ғалабаси – Гуам 15:0 (7.03.2005), энг йирик мағлубияти - 0:7 - Хитой ва Парагвай. Гонгконг футболининг энг катта ютуғи - 1956 йилги Осиё кубогида 3-ўрин ҳисобланади. Бу кўрсаткич бўйича у Ўзбекистондан олдинда.

Гонгконг терма жамоасининг энг қиммат футболчилари: Жеймс Макки –450 000 евро, Сю-Ки Чан -300 000 евро, Хонг-Лим Ли -225 000 евро.

Ўзбекистон терма жамоаси Гонгконг билан 6 марта ўйнаган: 3 ғалаба ва 3 дуранг, тўплар нисбати – 8-3.
1) 05.10.1994 Ўзбекистон 1-0 Гонконг (XII Осиё ўйинлари гурух босқичи)
2) 06.11.2003 Ўзбекистон 4-1 Гонконг (Осиё кубоги 2004 саралаш учрашуви)
3) 19.11.2003 Ўзбекистон 1-0 Гонконг (Осиё кубоги 2004 саралаш учрашуви)
4) 16.08.2006 Ўзбекистон 2-2 Гонконг (Осиё кубоги 2007 саралаш учрашуви)
5) 06.09.2006 Гонконг 0-0 Ўзбекистон (Осиё кубоги 2007 саралаш учрашуви)
6) 06.02.2013 Ўзбекистон 0-0 Гонконг (Осиё кубоги 2015 саралаш учрашуви)

Ўзбекистон терма жамоаси 2003 йилдан бери Гонгконгни мағлуб эта олмаяпти: 3 ўйин, 3 дуранг. Ўзбекистон терма жамоаси футболчилари 235 дақиқадан буён Гонгконг дарвозасига гол ура олишмаяпти. Ўзбекистон терма жамоаси таркибида Гонгконг дарвозасини энг кўп ишғол этган футболчилар – Анвар Солиев ва Владимир Шишелов – 2 гол.