"Интер" ҳужумчиси Диего Милито ҳозирги клубини 2013/14 йиллар мавсуми якунида тарк этади ва Аргентинага қайтади, дея хабар тарқатди La Gazzetta dello Sport.
2014 йил июнида 34 ёшли жанубий америкаликнинг "нерадзурралар" билан шартномаси ниҳоясига етади ва манба маълумотига кўра, томонлар уни узайтиришмайди. Ҳужумчи аллақачон Авельянеданинг "Расинг" клубига ўтиш бўйича яхшилаб келишиб олган. Қайд этиш керак, Милито ушбу клуб тарбияланувчиси ҳисобланади.
Ушбу мавсум Милито жароҳат сабаб Италия чемпионатининг атиги 3 ўйинида иштирок этди. Аммо ўша ўйинларда у ўз ҳисобига 2та гол ва битта самарали пасни ёзиб қўйган.













