«Арсенал» устози Арсен Венгер жамоанинг чемпионлар лигаси доирасидаги «Марсел»га қарши кечажак ўйини ҳақида фикр билдирди.
«Ва ниҳоят, жароҳатлардан қутилдик. Фламини ўзини яхши ҳис қилмоқда. Подолски эса икки ҳафтадан кейин машғулотларга қайтади. Уолкотт ҳам майдонга қайтди, лекин унинг «Марсел»га қарши ўйнаш-ўйнамаслигни ҳал қилганимча йўқ.
Анри? Унинг бизда машғулотлар олиб бораётгани рост. У хоҳлаган жойида, хоҳлаган одамлар билан машғулотлар олиб бориши мумкин. Бунинг устига у асосан йигитлардан алоҳида шуғулланмоқда.
«Марсел»нинг йўқотадиган ҳеч нарсаси йўқ эканини биламиз. Шундай экан чемпионлар лигасининг кейинги турида бизни жиддий ўйин кутиб турибди»,- дейди мураббий.