Осиё чемпионлар лигаси учун квоталар тақсимоти аниқ бўлди. Ушбу тақсимотни бугун ОФК Ижроқўми тасдиқласа, у кучга киради.

Ўзбекистон учун ОЧЛга "1+2" кўринишида квота ажратилган. Яъни амалдаги чемпион мусобақани гуруҳ босқичидан бошласа, яна икки жамоамиз ўз иштирокини саралашдан бошлайди.

Келаси йилдан бошлаб Кувайт, Иордания, Ҳиндистон, Баҳрайн, Уммон ва Ироқ клублари ҳам ОЧЛда иштирок этиши кутилмоқда. Тўғри, бу мамлакатлар жамоалари ўз иштирокларини саралаш босқичидан бошлашади.

Юқорида айтганимиздек, мазкур тақсимот тасдиқланса, Ғарб минтақасида 12та жамоа 2та ўрин учун саралаш босқичида баҳс олиб боришади. Шарқда эса 2та ўрин учун 6та жамоа саралаш босқичида қатнашади.

Ғарб минтақаси
Саудия Арабистони — 4та
Эрон — 4
БАА — 3+1
Қатар — 2+2
Ўзбекистон — 1+2
Кувайт — 0+2
Иордания, Ҳиндистон, Баҳрайн, Уммон, Ироқ — 0+1
Жами — 14+12

Шарқ минтақаси
Япония — 4
Жанубий Корея — 4
Хитой — 3+1
Австралия — 2+1
Таиланд — 1+1
Сингапур, Вьетнам, Гонконг — 0+1
Жами — 14+6