"Вест Хэм" ҳужумчиси Эндрю Кэррол келаси ҳафтадан машғулотларни бошлаши мумкин. Бу ҳақда клуб расмий сайти ахборот берди.
24 ёшли инглиз ушбу мавсум ҳали бирорта ҳам ўйинда майдонга тушгани йўқ. Сабаби у мавсум бошидаги машғулотлардан бирида жароҳатланганди.
Бир қанча вақт Голландияда бўлган Кэррол махсус дастур асосида ишлаган.
"Энди келаси ҳафтадан сафимизга қўшилишига умид қиляпмиз. Аммо жароҳат қайталанмаслиги учун ҳам жуда тартибли бўлишимиз лозим", - дейди "Вест Хэм" устози Сэм Эллардайс.
Эслатиб ўтамиз, "Вест Хэм" ушбу ҳужумчини "Ливерпуль"дан 15 миллион фунтга сотиб олган.













