"Реал" устози Зинедин Зидан "қироллик клуби" яримҳимоячиси Гарет Бэйл борасида мулоҳазалари билан ўртоқлашди. Хабарингиз бор, уэльслик ушбу футболчи бир қатор интерьвюларида франциялик устозига ҳавас билан боқишини таъкидлаганди.

"Гаретнинг формаси тўғрисида "Реал"да ҳеч ким хавотир олмаётганди. Чунки барчамиз қандай даражадаги футболчи келаётганини билиб тургандик.

Мени ҳаяжонга солган ягона нарса унинг "Реал"да мендан ўтиб кетиши мумкинлиги эди! Бэйл ҳақиқатан ҳам ҳужумкор ўйинчи: гол уриш, тезлик олиш, вазиятлар яратишни яхши билади, шунингдек, стандарт вазиятлардан самарали фойдалана олади.

Келмасидан олдин ҳам буларни билардик. Шунинг учун ҳам ёзда уни ҳарид қилиш учун шу қадар уриндик.

У ҳозиргидан ҳам кучлироқ бўла олади. Шундай бўляпти ҳам. Унга маслаҳат керак бўлса, унинг учун эшигим доим очиқ.

Жаҳоннинг энг яхши ўйинчиси бўлиш учун унда барча хусусиятлар бор", - дейди Зидан.