УЕФА президенти Мишель Платини футболда сариқ карточкалар ўрнига вақтинчалик четлатиш жорий қилиниши мумкинлиги ҳақида айтиб ўтди.
"Мен буни худди регбидаги каби бўлишини истардим. Қоида бузувчиларни 10 ёки 15 дақиқага четлатиш мумкин.
Шунда адолатлироқ бўлар эди, ахир ўйинчи аниқ бир жамоага қарши ўйиндаги қўполлик учун аниқ жазо олади ва тўпланган сариқ карточкалар сабабли кейинги ўйинни ўтказиб юбормайди.
Бу яхши ғоя. Жуда бўлмаганда бу чуқур ўрганиб чиқишга арзийдиган масала.
Шунингдек, жарима майдони ичида қоида бузган дарвозабонларга ҳам қизил карточка кўрсатилмаслиги керак, пенальтининг ўзи ҳам жуда қаттиқ жазо.
Менинг бу таклифимга ФИФА ва УЕФА, шунингдек, футбол федерациялардаги кўпчилик раҳбарлар ҳамфикрдирлар", - дейди Платини.
