Маълумки, футболда «цикл» термини тез-тез ишлатилади. Бунда асосан 2та ЖЧ орасидаги давр тушунилади ёхуд битта саралаш босқичи ҳам яхлит цикл сифатида олинади.
Биз эса айнан ЖАР-2010дан кейинги даврни битта цикл ўрнида олиб, бу вақтда миллий жамоамиз ўйинларини бошқарган ҳакамларга алоҳида разм солдик. Аниқроғи, охирги 3 йилда расмий ўйинларимизда ишлашган рефериларни кўриб чиқдик.
Наваф Шукруллоҳ. 1976 йил 13 октябрда таваллуд топган. 2008 йилдан ФИФА рефериси. Айни шу йилдан ОФК миқёсидаги турли турнирларда ишлаб келади. 2011 йили Мексикада бўлиб ўтган 17 ёшлилар ўртасидаги ЖЧда 2та баҳсни бошқарган. 2013 йилнинг март ойида ЖЧ-2014га боришга даъвогар ҳакамларнинг 52 кишилик рўйхатига киритилди.
Бенжамин Жон Уильямс. 1977 йил 14 апрелда таваллуд топган. 2005 йилдан ФИФА рефериси. Клублар ўртасидаги ЖЧ-2011да ишлаган. 2013 йилнинг март ойида ЖЧ-2014га боришга даъвогар ҳакамларнинг 52 кишилик рўйхатига киритилган Австралиянинг ягона вакили. Бу йил Осиёнинг энг яхши ҳаками, деб эътироф этилди.
Юичи Нишимура. 1972 йил 17 апрелда таваллуд топган. Ҳакамлик фаолиятини 1999 йили бошлаган. 2004 йилдан ФИФА рефериси. Қизиқ тарафи шундаки, у 2008 йили Ганада бўлиб ўтган Африка миллатлар кубогида ишлаган. Шунингдек, 2010 йили Клублар ўртасидаги ЖЧ финалини бошқарган (маълум
от ўрнида айтиш керак, бу турнирнинг 2011 йилги финали ҳамюртимиз Равшан Эрматовга ишониб топширилганди). ЖЧ-2010 финалида 4-ҳакам сифатида қайд этилган. 2012 йили Осиёда «Йилнинг энг яхши ҳаками», деб топилди.
Ким Жонг Хёк. 1983 йил 31 мартда таваллуд топган. 2009 йилдан ФИФА рефериси.
Абдуллоҳ Муҳаммад ал Ҳилоли. 1970 йил 1 январда таваллуд топган. Бу ҳакам олдин Уммон армиясида зобит бўлиб хизмат қилган. 2002 йилдан ФИФА рефериси. 2008 йилги Пекин Олимпиадасида Аргентина - Сербия баҳсини бошқарган. ЖЧ-2010га бориши мумкин бўлган ҳакамларнинг кенгайтирилган рўйхатига киритилганди.
Муҳаммад Абдулкарим Муҳаммад Исмоил ал Заруни. 1972 йил 6 февралда таваллуд топган. 2002 йилдан ФИФА рефериси. Бу ҳакам бошқарган Тожикистонга қарши уйдаги баҳс охир-оқибат бизга қимматга тушди. Чунки атайлаб олинган сариқ карточкалар кейинчалик зараримизга ишлади ва Тошкентда Эрондан қабул қилиб олинган мағлубият туфайли якунда мундиал чиптасини бой бердик.
| 1 | 2 | 3 | 4 | 5 | |
| Наваф Шукруллоҳ (Баҳрайн) | |||||
| 2011 йил 12 январь | ОК-2011 | Кувайт (б) (2:1) |
А.Гейнрих, 62, Ж.О.Ҳасанов, 88 |
||
| 2013 йил 19 ноябрь | ОК-2015, саралаш | Гонконг (с) (2:0) | |||
| Ким Жонг Хёк (Корея Республикаси) | |||||
| 2013 йил 15 ноябрь | ОК-2015, саралаш | Вьетнам (с) (3:0) | И. Сергеев, 54 | ||
| Муҳсин Торки (Эрон) | |||||
| 2013 йил 15 октябрь | ОК-2015, саралаш | Вьетнам (у) (3:1) | А. Исмоилов, 89 | ||
| Абдул Малик Абдул Башир (Сингапур) | |||||
| 2011 йил 21 январь | ОК-2011 | Иордания (б) (2:1) | С.Турсунов, 90+2 | ||
| 2011 йил 28 январь | ОК-2011 | Корея Рес. (б) (2:3) |
Ш.Саломов, 85, Ш.Муллажонов, 87, А.Гейнрих, 90 |
||
| 2013 йил 26 март | ЖЧ-2014, саралаш | Ливан (у) (1:0) | Ф.Тожиев, 76 | ||
| Петер Грин (Австралия) | |||||
| 2013 йил 18 июнь | ЖЧ-2014, саралаш | Қатар (у) (5:1) | Т.Кападзе, 70 | ||
| Абдуллоҳ ал Ҳилоли (Уммон) | |||||
| 2011 йил 16 январь | ОК-2011 | Хитой (б) (2:2) |
А.Ҳайдаров, 27, А.Исмоилов, 55, Т.Кападзе, 66 |
||
| 2012 йил 8 июнь | ЖЧ-2014, саралаш | Ливан (с) (1:1) |
И.Тўхтахўжаев, 33, А.Гейнрих, 38, Ж.О.Ҳасанов, 80 |
||
| Алиризо Фағони (Эрон) | |||||
| 2011 йил 11 октябрь | ЖЧ-2014, саралаш | КХДР (с) (1:0) |
Ш.Муллажонов, 64, С.Жепаров, 67, С.Турсунов, 77 |
||
| Али Ҳамад ал-Бадвави (БАА) | |||||
| 2011 йил 25 январь | ОК-2011 | Австралия (б) (0:6) | У.Бақоев, 56 | У.Бақоев, 67 (2-с) | |
| 2012 йил 14 ноябрь | ЖЧ-2014, саралаш | Эрон (с) (1:0) |
А.Ҳайдаров, 24, С.Жепаров, 52, А.Шорахмедов, 57, С.Турсунов, 68, И.Тўхтахўжаев, 90+2 |
||
| Муҳаммад Заруни (БАА) | |||||
| 2011 йил 15 ноябрь | ЖЧ-2014, саралаш | Тожикистон (у) (3:0) |
О.Аҳмедов, 53, А.Гейнрих, 57, Ш.Муллажонов, 70, С.Турсунов, 79, И.Тўхтахўжаев, 82, С.Жепаров, 84, В.Галиулин, 90+1 |
||
| Юичи Нишимура (Япония) | |||||
| 2011 йил 7 январь | ОК-2011 | Қатар (б) (2:0) | |||
| 2012 йил 3 июнь | ЖЧ-2014, саралаш | Эрон (у) (0:1) | |||
| 2013 йил 6 сентябрь | ЖЧ-2014, саралаш | Иордания (с) (1:1) | А. Исмоилов, 15 | ||
| Бенжамин Уильямс (Австралия) | |||||
| 2012 йил 11 сентябрь | ЖЧ-2014, саралаш | Корея Рес. (у) (2:2) |
А. Исмоилов, 40, А.Филипосян, 81 |
||
| 2013 йил 10 сентябрь | ЖЧ-2014, саралаш | Иордания (у) (1:1) | И.Нагаев, 99 | ||
| Минору Тожо (Япония) | |||||
| 2013 йил 11 июнь | ЖЧ-2014, саралаш | Корея Рес. (с) (0:1) |
У.Бақоев, 43, А. Исмоилов, 79 |
||
| Али Ҳасан Иброҳим Абдулнаби (Баҳрайн) | |||||
| 2011 йил 28 июль | ЖЧ-2014, саралаш | Қирғизистон (с) (3:0) |
С.Мустафоев, 29, Ш.Муллажонов, 89 |
||
| 2013 йил 6 февраль | ОК-2015, саралаш | Гонконг (у) (0:0) | |||
| Тан Хаи (Хитой) | |||||
| 2011 йил 2 сентябрь | ЖЧ-2014, саралаш | Тожикистон (с) (1:0) |
А.Гейнрих, 82, И.Тўхтахўжаев, 89 |
||
| 2012 йил 16 октябрь | ЖЧ-2014, саралаш | Қатар (с) (1:0) |
Ж.О.Ҳасанов, 45+2, А. Исмоилов, 84, В.Денисов, 88 |
||
| 2013 йил 26 март | ОК-2015, саралаш | БАА (с) (1:2) | А.Ҳайдаров, 90+3 | ||
| Абдуллоҳ Балидеҳ (Кувайт) | |||||
| 2011 йил 23 июль | ЖЧ-2014, саралаш | Қирғизистон (у) (4:0) | |||
| 2012 йил 29 февраль | ЖЧ-2014, саралаш | Япония (с) (1:0) |
А.Шадрин, 63, Ш.Саломов, 90+4 |
||
| Андре Ал Ҳаддод (Ливан) | |||||
| 2011 йил 11 ноябрь | ЖЧ-2014, саралаш | КХДР (у) (1:0) | В.Галиулин, 72 | ||
| Халил ал Ғамди (Саудия Арабистони) | |||||
| 2011 йил 6 сентябрь | ЖЧ-2014, саралаш | Япония (у) (1:1) | |||
Терма жамоамиз фойдасига берилган Қизил карточкалар
Сўнгги 5 йил давомида терма жамоамизнинг расмий баҳсларида рақиб футболчилари 8 марта майдондан четлатилди. Бу борада, яъни рақибни майдонда озчилик бўлиб қолишини «таъминлаш»да эронлик Масъуд Моради алоҳида ажралиб туради. У бизнинг фойдамизга рақиб футболчилардан 3 нафарига «қизил» берган. Тўғри, уларнинг барчаси асосли эди.
| Т/р | Сана | Мусобақа мақоми | Ҳакам | Баҳс | Четлатилган рақиблар |
| 1 | 2009 йил 28 март | ЖЧ-2010, саралаш | Масъуд Моради (Эрон) | Қатар (у) (4:0) | Билол Ражаб, 32 |
| 2 | 2009 йил 6 июнь | ЖЧ-2010, саралаш | Муҳсин Басма (Сурия) | Япония (у) (0:1) | Макото Хасебе, 89 |
| 3 | 2009 йил 17 июнь | ЖЧ-2010, саралаш | Масъуд Моради (Эрон) | Баҳрайн (с) (0:1) | Абдулла Марзуқ, 77 |
| 4 | 2009 йил 14 ноябрь | ОК-2011, саралаш | Масъуд Моради (Эрон) | Малайзия (у) (3:1) | Насриқ Баҳром, 85 |
| 5 | 2011 йил 15 ноябрь | ЖЧ-2014, саралаш | Муҳаммад Заруни (БАА) | Тожикистон (у) (3:0) | Эраж Ражабов, 85 |
| 6 | 2013 йил 6 февраль | ОК-2015, саралаш |
Али Ҳасан Абдулнаби (Баҳрайн) |
Гонконг (у) (0:0) | Ло Кван Йи, 58 |
| 7 | 2013 йил 15 ноябрь | ОК-2015, саралаш | Ким Жонг Хёк (Корея Рес.) | Вьетнам (с) (3:0) | Ле Тан Таи, 90+3 |
| 8 | 2013 йил 19 ноябрь | ОК-2015, саралаш | Наваф Шукруллоҳ (Баҳрайн) | Гонконг (с) (2:0) | Чеунг Кин Фанг, 45 |
Фаррухжон ФАЙЗИЕВ
