Оғир атлетика бўйича жаҳон чемпиони Руслан Нурудиновга «Cobalt» автомобили тақдим этилди, дея хабар беради «Daryo» интернет-нашри.

Манбанинг  маълум қилишича, кеча «Рамада» меҳмонхонасида йил сарҳисобларига кўра оғир атлетикачиларимизни тақдирлаш маросими бўлиб ўтган. Унда «Ўзбекистон ифтихори» фахрий унвони соҳиби бўлган Руслан «Йилнинг энг яхши спортчиси» деб тан олинди ва «Cobalt» енгил машинаси билан тақдирланган.

Шунингдек, жаҳон чемпионатида биттадан кумуш ва бронза медални қўлга киритган Улуғбек Алимов «Йилнинг энг истиқболли спортчиси» номига сазовор бўлди ва «Spark»автомобили билан тақдирланди.

Тадбирда Ўзбекистон Оғир атлетика федерацияси, Ўзбекистон маданият ва спорт ишлари вазирлиги, Ўзбекистон Олимпия қўмитаси томонидан бир қатор оғир атлетикачиларимиз ва уларнинг мураббийларига дипломлар ва эсдалик совғалар тақдим этилди.