Франция терма жамоаси бош мураббийи Дидье Дешам кеча бўлиб ўтган ЖЧ-2014 қуръа маросимидан сўнг фикрлари билан ўртоқлашди.
"Тўғрисини айтадиган бўлсак, бундан ҳам қийин бўлиши мумкин эди. Қўшниларимиз Швейцария, жанубий америкалик жамоаси Эквадор ва у билан бир ҳил ўйин кўрсатадиган Гондурас билан бир гуруҳдамиз.
Биз Бразилия шимолида тўп суришдан хавфсираган эдик. У ерда иссиқ. Яхшики, бундай бўлиб чиқмади. Бу тикланишимизга ёрдам беради.
Гондурасга қарши биринчи ўйин - энг муҳими. Ғалаба имкониятларимизни оширади. Курашга чанқоқ ҳолда бўлишимиз, шу билан бирга ақлли ўйин кўрсатишимиз керак. Осон рақиб бўлмайди.
Мақсадимиз қуръадан олдин ҳам кейин ҳам ўзгармаган - ЖЧ-2014 нинг 1/8 виналига чиқиш", - дейди Дешам.
